بعض المواقف - لشاعر ناصر الرياحي

بعض المواقف تنهك الرجل ويدوخ
وبعض الصدف مامن وراها سلامه
عرّض سليل القوم لبّاسة الجوخ
بعد الاذان وقبل وقت الاقامه
مر الظهر وانا من الشمس مسلوخ
وبينه وبين الشمس رافع لثامه
ماهوب بنحيّف ولاهوب منفوخ
متساويٍ كله رشيقٍ قوامه
معرّضٍ مقفي مذيّر ومطنوخ
في يوم ثاني عيد عايد عمامه
ليته يذوقني من التوت والخوخ
عسى الهواوي يهتني في غرامه
لكن درب الوصل صعبٍ ومشروخ
ولافيه حيله لاجلي اسمع كلامه
عواض يوم انك من رجالٍ شيوخ
قل له ترى ناصر يوصل سلامه
وقل له ترى من هاك الايام ملموخ
وقل له ترى جوّه كثيرٍ عسامه
انخاك قل له قبل لاضيع وادوخ
من شوفته والله ماشفة السلامه