يقول الشاعر - لشاعر حمد المغيولي الخالدي

يقول الشاعر اللي ما يصور شنوه وما صار
أجيب اللي يفيد المستمع من عدل الأمثالي
أنا بختار والرجال باللي يعجبه يختار
ولاني منعدل يا هل المعرفة عن هوا بالي
الا ياتل قلبي تلسيمٍ تله الحفار
على بيرٍ صفاها يلطمه جالٍ على جالي
إلى من المكينة صاحب الصنعة عطاها النار
حداها اللي حداني والهوا للروح قتالي
على اللي تل مقاويمة ثلاث أشبار
على نهد زما فوق التريبة تقل فنجالي
حداها دونها حظ الندم وسط النهار إجهار
مشيت بيوم لوم ماتبي حالي ولا فالي
ألا ياحيلة الله كل مادار الفلك وإندار
تعرضلي نهارٍ يبعد الغالي عن الغالي
رمان بدار واللي شوفته موت وحياة بدار
احسب إن البطى يجل الغلى عن كل رجالي
حبيبٍ ما قصر دوني قدم رجله عن المسيار
يواصلني وانا محتاجه ساعٍ ومرسالي
وأنا اسري له اذا نامت عيون الحسد والهذار
أخاف اهل الحسد يدرون باحواله واحوالي
حبيب مايطاوع بي كلام الواشي الثرثار
وانا مااصخيه كان اصخي نهار البعث باعمالي
نفوز بصحبةٍ من يوم حنا بالشباب اصغار
وكلٍ ما يطيع بصاحبة واشي وعذالي
والا يالله ياستار سترك واسمك الستار
تلبسنا ثياب الستر يارحمن ياوالي